# د سردار سرلښکر سید مجید خادمي د شهادت په اړه پیغام

- سید مجتبی حسیني خامنه‌يي
- د خپرېدو نېټه: 6 اپرېل 2026 (2026-04-06)
- URL: https://mojtabakhamenei.world/ps/messages/condolences-death-major-general-seyyed-majid-khademi/
- Persian original: https://mojtabakhamenei.world/fa/messages/condolences-death-major-general-seyyed-majid-khademi/

بسم الله الرّحمن الرّحیم
د لوی بخښونکي او ډېر مهربان الله په نامه

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا (1)
له مؤمنانو څخه داسې سړي دي چې له الله سره یې کړې ژمنه رښتیا کړه؛ نو ځینو یې خپله ژمنه پوره کړه (او شهیدان شول)، او ځینې یې په انتظار دي، او هېڅ ډول بدلون یې رانه وست. (الاحزاب ۳۳: ۲۳)

یو ځل بیا امریکایي ـ صهیونیستي دښمن، چې د اسلامي ایران د ملت او غیرتمنو مجاهدینو پر وړاندې په تحمیلي جګړه کې او په خپلو شومو نقشو کې له پرله‌پسې ماتو سره مخ شوی، د صهیونیستي ترهګرۍ تلپاتې وسلې او د هېواد د استخباراتي او امنیتي ټولنې د یوه سردار ترور ته لاس واچاوه. پاسدار سردار سرلښکر سید مجید خادمي، چې څو لسیزې یې د هېواد په امنیتي، استخباراتي او دفاعي ډګرونو کې ډېر او خاموش مجاهدتونه درلودل، د شهادت فیض ته ورسېد، خو په اسلامي ایران کې د حق او حقیقت د لارې د مجاهدینو او جنګیالیو ټینګه لیکه او سرښندونکي وسله‌وال ځواکونه داسې لوړه لیکه او بُنیانٌ مَرصوص (سره تړلې کلکه ودانۍ) ګرځېدلې ده چې ترور او جنایت د هغوی په جهادي ارمان کې هېڅ تشه نه شي رامنځته کولای.

د دې ګمنام او زړور سردار شهادت د هغه درنې کورنۍ، همسنګرو او د اسلامي انقلاب د پاسدارانو سپاه د استخباراتو سازمان قوماندانانو ته مبارکي او تسلیت وایم، او له منان خدای څخه د هغه د مقام لوړوالی غواړم.

سید مجتبی حسیني خامنه‌يي
۱۷/فروردین/۱۴۰۵

(1) سورت احزاب، ۲۳ آیت