# Паём ба муносибати Рӯзи миллии Халиҷи Форс

- Сайид Муҷтабо Ҳусайнии Хоманаӣ
- Санаи нашр: 30 апрели соли 2026 (2026-04-30)
- URL: https://mojtabakhamenei.world/tg/messages/message-national-persian-gulf-day/
- Persian original: https://mojtabakhamenei.world/fa/messages/message-national-persian-gulf-day/

بسم‌الله‌الرحمن‌الرحیم
Ба номи Худованди бахшандаи меҳрубон

Яке аз неъматҳои беназири Худованди мутаол барои миллатҳои мусалмони минтақаи мо, хусусан мардуми шарифи Эрони исломӣ, мавҳибати «Халиҷи Форс» аст. Неъмате фаротар аз як паҳнаи обӣ, ки бахше аз ҳувият ва тамаддуни моро шакл додааст ва илова бар нуқтаи пайванди миллатҳо будан, масири ҳаётӣ ва беҳамтои иқтисоди ҷаҳониро дар тангаи Ҳурмуз ва пас аз он дар баҳри Уммон ба вуҷуд овардааст.

Ин сармояи стратегӣ тамаъи шайтонҳои бисёреро дар қарнҳои гузашта барангехтааст ва собиқаи таҷовузҳои пай дар пайи бегонагони аврупоӣ ва амрикоӣ, ноамниҳо, зиёнҳо ва таҳдидҳои сершумор барои кишварҳои минтақа танҳо гӯшае аз нақшаҳои шуми мустакбирони ҷаҳон алайҳи сокинони минтақаи Халиҷи Форс мебошад, ки тозатарин намунаи он қаддоракашиҳои ахири Шайтони бузург буд.

Миллати Эрон, ки дорои бештарин соҳили хушкии Халиҷи Форс аст, бештарин ҷонфидоиҳоро дар роҳи истиқлоли Халиҷи Форс ва муқобила бо бегонагон ва мутаҷовизон доштааст; аз ихроҷи португалиҳо ва озодсозии тангаи Ҳурмуз, ки асоси номгузории даҳуми моҳи урдибиҳишт ҳамчун Рӯзи миллии Халиҷи Форс шудааст, то мубориза алайҳи истеъмори Голландия ва низ ҳамосаҳои муқовимат дар муқобили истеъмори Англия ва ғайра. Аммо Инқилоби исломӣ нуқтаи атфи ин муқовиматҳо дар кӯтоҳ кардани дасти мустакбирон аз минтақаи Халиҷи Форс буд ва имрӯз бо гузашти ду моҳ аз бузургтарин лашкаркашӣ ва таҷовузи зӯргӯёни дунё дар минтақа ва шикасти расвоёнаи Амрико дар нақшаи худ, фасли навини Халиҷи Форс ва тангаи Ҳурмуз дар ҳоли рақам хӯрдан аст.

Миллатҳои минтақаи Халиҷи Форс, ки солҳои тӯлонӣ ба хомӯшӣ ва зиллатпазирии ҳокимон дар баробари зӯргӯён ва таҷовузкорон одат карда буданд, дар шаст рӯзи гузашта ҷилваҳои зебои салобат, ҳушёрӣ ва муҷоҳидати диловармардони нерӯҳои баҳрии Артиш ва Сипоҳро дар канори ғайрат ва силаҳшӯрии мардум ва ҷавонони минтақаи ҷануби Эрони азиз дар нафйи салтаи бегонагон бо чашми худ диданд.

Имрӯз ба иноятҳои Ҳазрати Ҳақ (ҷалла ва ало) ва ба баракати хуни шаҳидони мазлуми ҷанги таҳмилии сеюм, алалхусус Раҳбари азимушшаъни ва дурандеши Инқилоби исломӣ (аълаллоҳу мақомаҳу-ш-шариф), на танҳо дар миёни афкори умумии ҷаҳон ва миллатҳои минтақа, балки ҳатто барои салотин ва ҳокимони кишварҳо низ собит шуд, ки ҳузури бегонагони амрикоӣ ва лонагузинӣ ва ошёнсозии онҳо дар сарзаминҳои Халиҷи Форс муҳимтарин омили ноамнӣ дар минтақа аст ва пойгоҳҳои пӯшолии Амрико тобу тавони таъмини амнияти худро низ надоранд, чӣ расад ба он ки умеде ба таъмини амнияти вобастагон ва амрикопарастони минтақа аз ҷониби Амрико бошад.

Ба ҳавлу қуввати илоҳӣ ояндаи дурахшони минтақаи Халиҷи Форс ояндае бидуни Амрико ва дар хидмати пешрафт, осоиш ва рифоҳи миллатҳояш хоҳад буд. Мо бо ҳамсоягонамон дар паҳнаи обии Халиҷи Форс ва баҳри Уммон «ҳамсарнавишт» ҳастем ва бегонагоне, ки аз ҳазорон километр дуртар тамаъкорона дар он шарорат мекунанд, ҷое дар он надоранд, магар дар қаъри обҳояш. Ва занҷираи ин зафар, ки ба лутфи Парвардигори табарака ва таоло дар сояи тадбирҳо ва сиёсатҳои муқовимат ва стратегияи Эрони қавӣ амалӣ шудааст, тулӯъи низоми нави минтақа ва ҷаҳон хоҳад буд.

Имрӯз барангехтагии мӯъҷизасони миллати Эрон танҳо дар даҳҳо миллион ҷонфидои мубориза бо саҳюнизм ва Амрикои хунрез маҳдуд намондааст ва пешопеши сафҳои ба ҳам пайвастаи уммати бедоршудаи исломӣ, навад миллион ҳамватани ғаюр ва шарифи эронӣ дар дохил ва хориҷи кишвар тамоми имкониятҳои ҳувиятӣ, маънавӣ, инсонӣ, илмӣ, саноатӣ ва фановариҳои бунёдӣ ва навинро – аз нано ва био то ҳастаӣ ва мушакӣ – сармояи миллии худ медонанд ва мисли марзҳои обӣ, хушкӣ ва ҳавоӣ посдори он хоҳанд буд.

Эрони исломӣ бо шукри амалии неъмати иҷрои мудирият бар тангаи Ҳурмуз минтақаи Халиҷи Форсро амн хоҳад кард ва бисоти суистифодаҳои душмани мутахосимро аз ин оброҳ бархоҳад чид. Қоидаҳои ҳуқуқӣ ва иҷрои мудирияти нави тангаи Ҳурмуз осоиш ва пешрафтро ба нафъи ҳамаи миллатҳои минтақа рақам хоҳад зад ва мавоҳиби иқтисодии он дили миллатро шод хоҳад кард; بِاِذنِ الله وَلَو کَرِهَ الکافرون (ба изни Худо, ҳарчанд кофирон нохуш доранд).

Сайид Муҷтабо Ҳусайнии Хоманаӣ, 10 урдибиҳишти 1405