Talabalar Tehron universiteti oldidagi yig‘inda Inqilob Rahbari bilan ahdni yangiladi

Bu forscha asl matnning tarjimasi. Forscha asl matn

Bir guruh talabalar va yoshlar 6-obon, chorshanba kuni kechqurun Tehron universitetining bosh darvozasi oldida o‘z-o‘zidan tashkil topgan yig‘inda, Hazrat Oyatulloh Sayyid Mujtabo Xomanaiyning talabalar maktublariga javobi e’lon qilinganidan so‘ng, ushbu ahdga sodiqliklarini hamda Eron taraqqiyoti va qudrati yo‘lidagi sa’y-harakatlarini ta’kidladilar.

Muazzam Inqilob Rahbari ushbu payomda talabalarning kelajakni bunyod etishga bo‘lgan azmi, irodasi va mas’uliyat hissini Inqilob Rahbari va yoshlar o‘rtasida umumiy ahd shakllanishining zamini deb bildilar hamda ilm, imon, nafsni poklash, Qur’on va Ahli bayt (alayhimussalom) ma’rifatlari bilan qurollanish zarurligini ta’kidladilar. U zot, shuningdek, Eronning kuch-qudratini mustahkamlash uchun ikki barobar sa’y-harakatni taraqqiyot va islomiy-eroniy tamaddun cho‘qqilari sari harakatlanishning zaruriy sharti deb hisobladilar.

Marosimda Muazzam Rahbarning universitetlardagi vakolatxonasi rahbari Hujjatul Islom val-muslimin Rustamiy muazzam Inqilob Rahbarining talabalar maktublariga javobi matnini o‘qib eshittirdi.

Rustamiy payom mazmuniga to‘xtalib, shunday dedi: muazzam Inqilob Rahbari mehribon ota va g‘amxo‘r yo‘lboshchi sifatida talabalarga bir qator jihatlarni umumiy ahd shaklida eslatdilar.

U qo‘shimcha qildi: o‘zini tarbiyalash va ma’naviyatga e’tibor, ilmiy taraqqiyot va muammolarni hal etish yo‘lidagi sa’y-harakat, jamiyat va mamlakatni mustahkamlash hamda yanada kuchli Eronni bunyod etish yo‘lida harakatlanish Inqilob Rahbarining talabalardan kutayotgan eng muhim talablaridandir.

Muazzam Rahbarning universitetlardagi vakolatxonasi rahbari, shuningdek, yangi islom tamaddunini mamlakat taraqqiyoti yo‘lida talabalar oldida turgan ufqlardan biri deb bildi.

Marosim davomida bir qator talabalar, professor-o‘qituvchilar va talabalar tashkilotlari vakillari nutq so‘zladi.

Yig‘inda ishtirok etgan talabalar va yoshlar ham muazzam Inqilob Rahbarining ko‘rsatmalariga amal qilishga tayyor ekanliklarini bildirib, ushbu ahdga sodiqliklarini hamda mamlakat taraqqiyoti va qudrati maqsadlarini ro‘yobga chiqarish yo‘lidagi sa’y-harakatlarini ta’kidladilar.

Ommaviy axborot vositalarida e’lon qilingan xabarlarga ko‘ra, ushbu tadbir bilan bir vaqtda mamlakatning ko‘plab shahar va universitetlarida ham shunga o‘xshash marosimlar o‘tkazildi.