İslami Şura Məclisinin sədrinin İslam İnqilabının Rəhbəri ilə görüşü

Bu, fars dilindəki orijinal mətnin tərcüməsidir. Fars dilində orijinal mətn

İslami Şura Məclisinin sədri doktor Məhəmməd Bağır Qalibaf İslam İnqilabının möhtərəm Rəhbəri Həzrət Ayətullah Seyid Müctəba Hüseyni Xamenei ilə görüşüb söhbət etdi.

Bu görüşdə Amerika-sionist düşmənin hərbi, iqtisadi və koqnitiv müharibəsinin son gedişatı nəzərdən keçirildi və ölkənin qüdrət amillərinin gücləndirilməsi, İslami Şura Məclisi deputatlarının ictimai həmrəyliyin və milli birliyin qorunması və möhkəmləndirilməsində təsirli rolu, oyanıb ayağa qalxmış millətin meydan toplantılarında şüurlu və çəkindirici iştirakının davam etdirilməsi, hökumətin və Məclisin xalqın iqtisadi və məişət problemlərinin həlli istiqamətində əməkdaşlığa diqqət yetirməsi və ölkənin strateji tərəfdaşları ilə bağlı işlərin irəlilədilməsi vurğulandı.

İslami Şura Məclisinin sədri də bu görüşdə üçüncü təhmil edilmiş müharibənin başlanğıcından bu günədək xalq nümayəndələrinin fəaliyyəti, eləcə də Məclisin ölkənin məsələ və problemlərinin həlli üçün cari və gələcək proqramları barədə məruzələr təqdim etdi.