Uteuzi wa Meja Jenerali Ahmad Vahidi kuwa Kamanda Mkuu wa…

Hii ni tafsiri ya matini asilia ya Kiajemi. Matini asilia kwa Kiajemi

بسم الله الرحمن الرحیم
Kwa jina la Mwenyezi Mungu, Mwingi wa Rehema, Mwenye Kurehemu.

Brigedia Jenerali Ahmad Vahidi, wa Jeshi la Walinzi wa Mapinduzi

Kwa kuzingatia kuuawa shahidi kwa fahari na heshima kwa Luteni Jenerali Mohammad Pakpour, wa Jeshi la Walinzi wa Mapinduzi, mikononi mwa adui wa Kizayuni-Kimarekani, na kwa kuzingatia huduma zako stahiki na uzoefu wako wenye thamani, nakuteua, pamoja na kukutunuku cheo cha Meja Jenerali, kuwa Kamanda Mkuu wa Jeshi la Walinzi wa Mapinduzi ya Kiislamu.

Katika hali ambayo mfumo mtakatifu wa Jamhuri ya Kiislamu ya Iran uko katika makabiliano ya kimkakati na yanayoamua hatima dhidi ya ubeberu wa kimataifa, kutimizwa kwa matakwa yafuatayo kunatarajiwa:

1. Kuimarisha kwa kudumu na kwa pande zote uwezo kwa lengo la kuzuia kwa kiwango cha juu kabisa, na utayari wa kiwerevu wa kutekeleza operesheni za mashambulizi zenye nguvu dhidi ya adui

2. Kuinua kiwango cha kiutamaduni katika taasisi ya Jeshi la Walinzi wa Mapinduzi na kuimarisha uchamungu, ufahamu na ari ya kimapinduzi kama johari ya ndani ya kila mmoja wa walinzi na makamanda

3. Kupanua usimamizi na uongozi wenye msingi wa kiroho na kielimu na ujuzi wa kisasa katika ngazi zote za taasisi

Inatarajiwa kwamba chini ya kivuli cha dua na uombezi wa Bwana wetu (Mwenyezi Mungu aharakishe faraja yake tukufu), taufiki maradufu na ushindi mfululizo vitavijaalia vikosi vyote vya ulinzi vya mfumo mtakatifu wa Jamhuri ya Kiislamu ya Iran.

Sayyid Mojtaba Hosseini Khamenei