Eronning shahid Og‘asini so‘nggi yo‘lga kuzatish va dafn etish marosimi munosabati bilan murojaat

Bu forscha asl matnning tarjimasi. Forscha asl matn

‌بسم‌ الله ‌الرّحمن الرّحیم
Mehribon va rahmli Alloh nomi bilan

السَّلامُ‌ علیکَ یا ثاراللهِ وَ‌ ابنَ ثاره وَ الوِترَ المَوتور. السَّلامُ‌ علیکَ وَ علی جَدِّکَ وَ اَبیکَ وَ اُمِّکَ وَ اَخیکَ وَ المَعصومینَ مِن وُلدِک.
Senga salom bo‘lsin, ey Allohning xuni va Uning xunining o‘g‘li, ey qoni to‘kilib, xuni hali olinmagan yolg‘iz zot! Senga, bobongga, otangga, onangga, birodaringga va farzandlaringdan bo‘lgan ma’sumlarga salom bo‘lsin.

Salom bo‘lsin shunday imomgaki, uning qiyomining hayotbaxsh nidosi Nabaviy be’sat (payg‘ambarlik)ning ulkan va jarangdor aks-sadosini tarixning uzoq tubigacha yetkazdi va uning ta’sirida Eron Islom inqilobi vujudga keldi. Bu inqilob tubdan Husayniy edi va Husayn shiori va maslagi bilan qurildi va voyaga yetdi. Eronning shahid Og‘asi ham aynan shu maslak bilan kamol topdi. U Husayniy edi, Husayniy fikrladi, Husayniy harakat qildi, Husayniy jihod va qarshilik ko‘rsatdi, Husayniy yashadi va Husayniy tarzda o‘z qonini Husayn maktabi yo‘lida taqdim etib, shahid bo‘ldi. Husayniylar orasida shunday kishilar borki, ularning qoni Husayn yo‘lida va Husayn (alayhissalom)ning maktabi va maslagi uchun mazlumona yerga to‘kilganda, Islom ummati harakatga keladi va o‘sha zamon Oshuroga, o‘sha makon esa Karbaloga bog‘lanadi. Hozir ham o‘sha Husayniy shijoat millatimizni qo‘zg‘atdi va buyuk Xumayniy va shahid Xomanaiy maktabiga yangi jilva bag‘ishladi. Mana shu – Husayn (alayhissalom)ning mazlumlik nidosi va uning هَل مِن ناصرٍ یَنصُرُنیِ (Menga yordam beradigan biror yordamchi bormi?) nidosining aks-sadosi Eronda, so‘ngra Iroq va boshqa mamlakatlarda ko‘taradigan va botilni larzaga soladigan hayotbaxsh g‘avg‘odir. Shu munosabat bilan xalqning Eron va Iroq shahar va qishloqlarida, ayniqsa Tehron, Qum, Najaf, Karbalo va Mashhadda o‘n millionlab kishilik, hayratlanarli, dushmanni sindiruvchi va tarixiy ishtiroki uchun samimiy minnatdorlik bildirishim o‘rinlidir.

Millatimiz Husayn xunini talab qiluvchidir. Bu buyuk millat yillar davomida o‘z farzandlarini Husayn yo‘lida, Husayn va Husayniy maslak dushmanlari bilan jangda fido qildi. Endi esa uning va zamonamiz Husayniylarining xunini talab qilmoqda.

Endi shahid yo‘lboshchimizga arz qilaman: Ey mazlum maqtul! Ey sarbaland mazlum! Ey Allohning solih bandasi! Endi yoshli ko‘zlar va siniq qalblar bilan jasadingiz bilan vidolashar ekanmiz, Sizga ahd qilamizki, maktabingizni asraymiz, Siz chizib bergan to‘g‘ri yo‘lni istiqomat bilan bosib o‘tamiz, bu yo‘lda qiyinchiliklardan qo‘rqmaymiz va xuddi Sizdek ilohiy bashorat va va’dalarga ko‘ngil bog‘laymiz. Ahd qilamizki, Sizning va bu ikki urushning barcha shahidlarining pok qoni uchun jinoyatkor va sharmanda qotillardan qasos olamiz. Bu qasos millatimizning xohishidir va albatta amalga oshishi lozim. Boshidan oxirigacha ro‘yxati mavjud bo‘lgan bu jinoyatkorlar o‘z to‘shagida osoyishta o‘lim orzusini o‘zlari bilan go‘rga olib ketadilar. Ular bilishlari kerakki, bu ish mening shaxsim yoki boshqa mas’ullarning mavjudligiga bog‘liq emas. Biz bo‘lamizmi yoki yo‘qmi, bu ish amalga oshadi va tez orada butun dunyodagi ozod insonlardan ayrimlari bu ilohiy vazifaning har biri bir qismini bajaradilar.

Ey ummatning shahid otasi, umr bo‘yi orzu qilgan shahodat sharbatini ichishingiz Sizga muborak bo‘lsin. Onangiz pokiza Zahro, bobongiz Abu Abdulloh al-Husayn va Abulfazl al-Abbos (alayhimussalotu vassalom)dan nishonalar bo‘lgan tana bilan shahodat libosini kiyishingiz muborak bo‘lsin. Sizlar ham, ey uning kutilmaganda dushman hujumiga uchrab shahid bo‘lgan mazlum hamrohlari, holingizga xush bo‘lsinki, endi balki ko‘p marta mehr-shafqat va lutfini his qilgan o‘sha mavloning mehmonisizlar. Hamma uchun, ayniqsa bu yurt xalqi uchun ilohiy rahmat eshigi bo‘lgan o‘sha Zot endi sizlarning mezboningizdir va uning omonli jivori sizlarning uyingizga aylandi.

Siz ham, ey oliymaqom sarvar! Ey ulug‘ zot! Ey mehribon Imom! Yo Abal Hasan ar-Rizo al-Murtazo, Allohning eng afzal salavotlari Sizga bo‘lsin! Endi Hazratingiz va pok itratning xizmatkorlaridan birining pora-pora bo‘lgan jasadi yillar davomidagi g‘ayrat, sa’y va to‘xtovsiz mujohadadan so‘ng, har biri Karbalo dashti shahidlaridan birini yodga soladigan oilasidagi shahidlarning jasadlari bilan birga ushbu pok tuproqda orom oladi; to o‘sha kungachaki, ilohiy amr bilan olamni yorituvchi quyosh – Hazrat Baqiyyatulloh (Alloh taolo uning zuhurini tezlashtirsin) g‘aybat bulutlari ortidan chiqib, yer yuzi xalqlariga ilohiy rahmat nurini sochadi; tez orada kelishiga umid qilayotganimiz o‘sha kunda siddiqlar, shahidlar va avliyolar orasidan yulduzlar u Hazratga hamrohlik qiladilar va umid qilamizki, shahid Og‘amiz ham ulardan biri bo‘ladi va yana bir bor mujohada va «Alast» ahdiga vafodorlikning porloq va sof sahnalarini namoyish etadi, ehtimol bu hamrohlar o‘sha kunda ham unga hamroh bo‘ladilar.

Ey mehribon Mavlo! Hamma narsasini Sizning yo‘lingizda sarflagan Og‘amizni va uning shahid hamrohlarini Sizga, Janobingizning lutf va inoyatiga topshiramiz, toki ular dunyoviy hayotlarida Sizning lutfingizdan bahramand bo‘lganlaridek, bundan keyin ham shunday, balki undan ham ancha yuqori va ko‘proq bahramand bo‘lsinlar.

So‘nggida yana bir bor sarvarimiz Hazrat Baqiyyatulloh (Alloh taolo uning zuhurini tezlashtirsin)ga ta’ziya izhor etamiz va o‘sha mehribon ulug‘ zotdan so‘raymizki, o‘zining pok duolarini Eronning shahid Og‘asi, uning shahid hamrohlari va barcha shahidlarga qaratsin hamda Haq taolo (jalla va alo)dan barcha shahidlar uchun darajalar yuksalishini, ularning yaqinlari uchun sabr va ajrni, Eronning mazlum millati uchun esa qat’iy va yaqin fath va nusratni so‘rasin, inshaAlloh.

Sayyid Mujtabo Husayniy Xomanaiy
18/tir/1405