Bu, fars dilindəki orijinal mətnin tərcüməsidir. Fars dilində orijinal mətn
Mərhəmətli və Rəhmli Allahın adı ilə
Ordibeheşt uçuşu şəhidlərinin və onların başında şəhid Prezident Höccətülislam vəl-Müslimin Rəisinin xatirəsinin anılması İran İslam Respublikasında xidmət edən şəhidlər dəstəsinin şəhadətini yada salır; Mütəhhəri, Behişti, Rəcai və Bahünərdən tutmuş Rəisi, Ali-Haşim, Əmir Abdullahiyan və Laricaniyə qədər böyük Xomeyni və əziz Xameneinin (Allah onların şərəfli məqamlarını uca etsin) məktəbində tərbiyə almış yüzlərlə görkəmli şəxsiyyət İslam Respublikası məsullarının səmimi və mücahidanə xidmət dəftərini öz qanlı imzaları ilə bəzəmişlər.
Şəhid Rəisinin bariz xüsusiyyətləri sırasında məsuliyyət hissini, gəncləşməyə üstünlük verməsini, ədalətə diqqətini, fəal və faydalı diplomatiyanı və xüsusilə xalqa yaxın olmasını saymaq olar. Bu xüsusiyyətlər İranın dostlarının, o cümlədən qüdrətli Müqavimət cəbhəsinin mücahidlərinin və quruluşun bir çox qayğıkeşlərinin ürəklənməsinə səbəb olurdu. Bütün bunlar, əlbəttə, onun ruhunun dərinliyində kök salmış mənəviyyatla qaynayıb-qarışmışdı. Məsullarla xalq arasındakı münasibətdə təsirli müsbət xüsusiyyətlər qarşılıqlı qədirşünaslığa səbəb olur. Məhz buna görə də onun mövlası və məxdumu Həzrət Əbül-Həsən ər-Rzanın (Allahın salavatı və salamı ona olsun) civarına qədər yola salınması nadir görülən bir əzəmətlə həyata keçdi. O şəhidin yarımçıq qalmış prezidentlik dövrü ölkənin müstəqilliyini qorumaqla yanaşı millət və ölkə üçün səy və qayğıkeşliyin bir meyarını ortaya qoydu.
İndi biz İran millətinin iki qlobal terrorçu orduya qarşı tarixdə bənzəri olmayan müqavimətdəki qəhrəmanlıq dastanları qarşısındayıq. Bu, İslam Respublikası məsullarının – rəhbərlikdən və hakimiyyət qollarının başçılarından tutmuş bütün səviyyələrdəki rəhbər işçilərə qədər – vəzifə yükünü əvvəlkindən daha da ağırlaşdırır. Bu gün millətin, hökumətin və İslam Respublikasının bütün qurumlarının həmrəyliyi nemətinə şükür məsulların motivasiyasının gücləndirilməsində və onların ikiqat və mücahidanə xidmətində, xalqın problemlərinin və qayğılarının, xüsusilə iqtisadi və məişət sahəsindəkilərin həllində, bilavasitə sahədə iştirakda və oyanmış xalqa ölkənin tərəqqisi yolunda və parlaq gələcəyə doğru ümidli hərəkətdə ciddi bir rolun müəyyənləşdirilməsindədir.
Xidmət yolunun şəhidlərinə ilahi rəhmət və rizvan olsun; ilahi nüsrət və Ağamızın (Uca Allah onun şərəfli zühurunu tezləşdirsin) duası İranın müsəlman xalqına xidmət edənlərin dayağı olsun.
Seyid Müctəba Hüseyni Xamenei, 30 ordibeheşt 1405