پەیام بە بۆنەی شەهیدبوونی سەردار سەرلەشکر سەید مەجید خادمی

ئەمە وەرگێڕانی دەقی ڕەسەنی فارسییە. دەقی ڕەسەن بە فارسی

بسم الله الرّحمن الرّحیم
بە ناوی خوای بەخشندەی میهرەبان

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا (1)
لە باوەڕداران پیاوانێک هەن کە ڕاستیان کرد لەو پەیمانەی لەگەڵ خوادا بەستیان، هەندێکیان پەیمانەکەیان بەجێ هێنا (و شەهید بوون) و هەندێکیشیان چاوەڕێن، و هیچ گۆڕانێکیان (لە پەیمانەکەیاندا) نەکرد. (قورئان، ئەحزاب ٣٣: ٢٣)

جارێکی تر دوژمنی ئەمریکی-سەهیۆنی، کە لە جەنگی سەپێنراودا دژی گەل و تێکۆشەرانی غیرەتمەندی ئێرانی ئیسلامی و لە نەخشە شوومەکانیدا تووشی شکستی یەک لە دوای یەک بووە، دەستی دایە چەکی هەمیشەییی تیرۆریزمی سەهیۆنی و تیرۆرکردنی یەکێک لە سەردارانی کۆمەڵگەی هەواڵگری و ئاسایشی وڵات. سەردار سەرلەشکر پاسدار سەید مەجید خادمی، کە چەند دەیەیەک لە بوارە ئاسایشی، هەواڵگری و بەرگرییەکانی وڵاتدا تێکۆشانی زۆر و بێدەنگی هەبوو، بە فەیزی شەهادەت گەیشت، بەڵام ڕیزی چەسپاوی تێکۆشەران و موجاهیدانی ڕێگەی حەق و ڕاستی لە ئێرانی ئیسلامی و هێزە چەکدارە گیانفیداکاندا، بووەتە ڕیزێکی وەها بەرز و بینایەکی پتەو (بُنیانٌ مَرصوص) کە تیرۆر و تاوان ناتوانێت هیچ کەلێنێک لە ئامانجی جیهادیی ئەواندا دروست بکات.

شەهیدبوونی ئەم سەردارە بێناونیشان و ئازایە لە خێزانی بەڕێزی، هاوسەنگەرەکانی و فەرماندەرانی ڕێکخراوی هەواڵگریی سوپای پاسدارانی شۆڕشی ئیسلامی پیرۆزبایی و سەرەخۆشی دەکەم، و بەرزیی پلەی ئەو لە خوای بەخشندە داوا دەکەم.

سەید موجتەبا حوسەینی خامنەیی
١٧ی فەروەردینی ١٤٠٥

(1) سوورەتی ئەحزاب، ئایەتی ٢٣