Jibu la Upendo kwa Barua ya Mwanafunzi wa Miaka Kumi, Alireza Bakhshi
Hii ni tafsiri ya matini asilia ya Kiajemi. Matini asilia kwa Kiajemi
Muda fulani uliopita, Alireza Bakhshi Iraj, mwanafunzi mwenye umri wa miaka kumi anayeishi Tehran, aliandika barua ya dhati kwa Kiongozi Mtukufu wa Mapinduzi tarehe 23 Shahrivar 1405. Katika barua hiyo, pamoja na kuonyesha mapenzi yake na shukrani kwa miongozo yake, aliwasilisha pia zawadi kama ishara ya kumshukuru na kuwasaidia wapiganaji wa Uislamu.
Maandishi ya barua ya mwanafunzi huyu yalikuwa hivi:
Kwa jina la Mungu
Shikamoo, Bwana.
Mimi ni Alireza Bakhshi.
Nina miaka kumi na ninaishi Tehran.
Kusema kweli sijui kama barua yangu itakufikia au la.
Laiti ningeweza kuongea na wewe ana kwa ana.
Kusema kweli tuna deni kubwa kwako kwa sababu ya miongozo yako.
Pesa hizi ni za kukushukuru na kuwasaidia wapiganaji wa Uislamu.
Anayetamani kukuona,
Alireza Bakhshi Iraj
1405/6/23
N.B.: Heri ya siku ya kuzaliwa, japo imechelewa.
Barua hii ilimfikia Kiongozi Mtukufu wa Mapinduzi, na Mheshimiwa Ayatullah Sayyid Mojtaba Khamenei, katika kujibu mapenzi aliyoonyesha mwanafunzi huyu, alimwandikia barua na yeye pia akampa zawadi.
Maandishi ya jibu la Kiongozi Mtukufu wa Mapinduzi ni haya:
بسماللهالرحمنالرحیم
Kwa jina la Mwenyezi Mungu, Mwingi wa Rehema, Mwenye Kurehemu
Rafiki yangu mpendwa, Bwana Alireza Bakhshi
سلام علیکم و رحمة الله و برکاته
Amani iwe juu yako, pamoja na rehema za Mwenyezi Mungu na baraka Zake
Nakushukuru kwa kunijali kwa upendo. Hata hivyo, siku ya kuzaliwa ya mja huyu mnyonge ni katika mwezi wa Esfand. Nami kwa upande wangu nakupa zawadi, ingawa ni ndogo, kama jibu kwa ukarimu wako. Wafikishie wanafamilia salamu zangu.
Sayyid Mojtaba Khamenei
19 Mehr 1405
N.B.: Mwandiko wako unasomeka vizuri.
