Bersiva peyama serxweşî û bîatê ya Sekreterê Giştî yê Hizbullaha Libnanê Şêx Naîm Qasim

Ev wergera metna esil a farisî ye. Metna esil bi farisî

بسم الله الرحمن الرحیم
Bi navê Xwedayê Rehman û Rehîm

Bo xizmeta birayê min ê delal û mucahid, birêz Şêx Naîm Qasim, Sekreterê Giştî yê Hizbullahê «ادام الله عمره وعزّه وعافيته» (Xwedê temen, rûmet û saxlemiya wî dirêj bike)

«سلام علیکم و رحمة الله و برکاته» (Silav, rehmet û bereketên Xwedê li ser we be) Peyama we ya serxweşiyê bi boneya şehadeta Rêberê mezin ê Şoreşa Îslamî û her wiha diyarkirina hezkirin û dilovaniya birayên mucahid ên Libnanî yên di nav Hizbullahê de gihîşt destê min.

Bê tu gumanî, istiqamet, berxwedan û sebr li hember dijminên herî hişk ên cîhana Îslamê, ango Amerîka û hêza wê ya bi wekalet li herêmê -rejîma xwînxwar a Siyonîst-, ji taybetmendiyên herî berçav ên Îmam û pêşewayê şehîd bûn. Ev berxwedan û domdarî di dirêjahiya salên dirêj ên rêberiya wî pêşewayê mezin de berdewam kir, û pêşkêşkirina şehîdên hêja yên wek Hecî Qasim Silêmanî û fermandarên din ên payebilind ên Sipaha Pasdaran û Artêşê, mezintirîn şahidê rastbûna vê riyê ye.

Guman tune ku dîroka berxwedana Îslamî tije mucahede, wêrekî û şehadetxwazî ye; fermandarên berxwedanê berî mucahidên din, bêyî ku ji tu gefê bitirsin, canê xwe di vê riyê de feda kirin. Ji şehîd Şêx Raxib Herb û Seyid Ebbas Mûsewî heta şehîdê delal, Seyidê Şehîdên Berxwedanê Seyid Hesen Nasrullah û Seyid Haşim Sefiyeddîn, hemû mînakên vê rê û rêbazê bûn.

Hûn ku bi xwe di xeta pêşîn a vê berxwedana pîroz de li Libnanê bûn, îro di vê kêliya hestiyar û dîrokî de rêberiya vê tevgerê dikin. Bi nasîna ku ez ji jîrî, zîrekî û wêrekiya we dikim, hêvî dikim ku hûn bikarin plansaziyên dijminê Siyonîst pûç bikin, wan bişkînin û carek din tama aramî û serbilindiyê bidin miletê delal ê Libnanê.

Carek din bi tekez radigihînim ku siyaseta neguhêrbar a Komara Îslamî ya Îranê, di domandina riya Îmamê koçkirî û pêşewayê şehîd de, li ser berdewamiya piştgiriya berxwedanê li hember dijminê Siyonîst-Amerîkî ava ye.

Careke din ji bo hevxemiya we spasiya we dikim û ji we û hemû birayên mucahid ên delal re serkeftin û serbilindiyê dixwazim.

والسلام عليكم ورحمة الله وبركاته
Silav, rehmet û bereketên Xwedê li ser we be.

Seyid Mucteba Huseynî Xamineyî
10/Ferverdîn/1405 (hicrî şemsî), beramberî 10/Şewal/1447 (hicrî qemerî)