Jibu la Kiongozi wa Mapinduzi ya Kiislamu kwa Barua ya…

Hii ni tafsiri ya matini asilia ya Kiajemi. Matini asilia kwa Kiajemi

بسم الله الرّحمن الرّحیم
Kwa jina la Mwenyezi Mungu, Mwingi wa Rehema, Mwenye Kurehemu.

«‌‏يَا أَيُّهَا الَّذِينَ آمَنُوا قَاتِلُوا الَّذِينَ يَلُونَكُمْ مِنَ الْكُفَّارِ وَلْيَجِدُوا فِيكُمْ غِلْظَةً...» (1)
Enyi mlioamini! Piganeni na makafiri walio karibu nanyi, na wakute ugumu kwenu... (Qur'ani, At-Tawba 9:123)

Mheshimiwa Hujjatul-Islam wal-Muslimin Sheikh Naim Qassem (Mwenyezi Mungu adumishe izza yake), Katibu Mkuu mtukufu wa Hizbullah ya Lebanon, na makamanda na wapiganaji wote wa Hizbullah walio tayari kutoa roho zao, wenye subira na wenye msimamo wa muqawama:
السّلام علیکم جمیعاً و رحمةالله (Amani iwe juu yenu nyote, na rehema za Mwenyezi Mungu).

Barua yenu, enyi ndugu na wanangu, wapiganaji waumini na mashujaa wa Hizbullah yenye heshima, iliyobeba ujumbe wa uthabiti na msimamo kwa ajili ya kuinua neno la Mwenyezi Mungu, na imani juu ya ahadi za Qur'ani Tukufu na malengo yanayoleta izza ya Imam Khomeini na Kiongozi shahidi Ayatullah al-Udhma Khamenei (radhi za Mwenyezi Mungu Mtukufu ziwe juu yao wawili), inastahili kuthaminiwa na kuheshimiwa.

Leo, ambapo mataifa ya dunia yamechoshwa na dhuluma na ukandamizaji wa serikali ya Marekani na Wazayuni wahalifu wanaoangamiza mimea na kizazi, hakuna njia nyingine iliyobaki mbele isipokuwa jihadi na muqawama, na uthabiti katika njia hii utawapatia wapiganaji wa jihadi wa njia ya haki nusura iliyoahidiwa na Mwenyezi Mungu: «...وَكَانَ حَقًّا عَلَيْنَا نَصْرُ الْمُؤْمِنِينَ» (Na ni haki juu Yetu kuwanusuru waumini; Qur'ani, Ar-Rum 30:47) (2).

Sasa ambapo Hizbullah ya Lebanon, kama mtangulizi wa makundi ya jihadi, imesimama kama mwamba mnene dhidi ya shambulio la kinyama la utawala wa Kizayuni na waungaji mkono wake, uthabiti huu umekuwa ujumbe wa kutia msukumo kwa mataifa huru ya dunia katika mwelekeo wa kujikomboa kutoka katika dhuluma na ukandamizaji wa ubeberu wa kimataifa na vibaraka wake. Bila shaka sehemu kubwa ya mafanikio haya makubwa inatokana na subira, uungwana, kujitolea na ushirikiano wa wananchi wa Lebanon, hasa eneo la kusini.

Jamhuri ya Kiislamu ya Iran nayo, katika mwelekeo wa sera ya Kiongozi Muadhamu na shahidi wa Mapinduzi, Imam Sayyid Ali Khamenei (radhi za Mwenyezi Mungu Mtukufu ziwe juu yake), imeifanya kuwatetea wapiganaji hawa wa jihadi waliodhulumiwa na wenye nguvu kuwa sera yake ya kimkakati, na imeweka kulindwa kwa ukamilifu wa ardhi ya Lebanon na kuondolewa kikamilifu na bila masharti kwa uvamizi wa utawala wa Kizayuni kuwa sharti la kwanza la mkataba wa maelewano wa kumaliza vita vilivyolazimishwa na Marekani mvamizi.

Rehema na baraka za Mwenyezi Mungu Mtukufu ziwe juu ya mashahidi, majeruhi na familia zao zenye subira, na juu ya wahamaji katika njia ya Mwenyezi Mungu waliojitwika kuvumilia misiba. Salamu za Mwenyezi Mungu ziwe juu ya roho ya kimalakuti ya Bwana wa Mashahidi wa Hizbullah, Sayyid Hassan Nasrallah, na makamanda wote waliotangulia wa muqawama na wenzake mashahidi (radhi za Mwenyezi Mungu Mtukufu ziwe juu yao wote), ambao waliugeuza mche wa muqawama wa Kiislamu kuwa mti mnene ambao اصلها ثابت و فرعها فی‌السّماء (mizizi yake ni imara na matawi yake yako mbinguni); wapiganaji ambao kwa jihadi na muqawama wao wameleta izza na heshima ya Lebanon katika ulimwengu wa Kiislamu.

Mwisho, natumaini kwamba kwa baraka za dua njema ya Bwana wetu (Mwenyezi Mungu Mtukufu aharakishe faraja yake tukufu), aina mbalimbali za inayaya na fadhila za Mwenyezi Mungu zitawafikia wapiganaji wote wa jihadi, mashahidi na majeruhi wa muqawama, wahamaji na familia zao zenye subira.

«وَنُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ» (3)
Na tunataka kuwafanyia hisani wale waliodhoofishwa katika ardhi, na kuwafanya kuwa viongozi, na kuwafanya kuwa warithi. (Qur'ani, Al-Qasas 28:5)

والسّلام علیکم و رحمة‌الله و‌ برکاته
Amani iwe juu yenu, na rehema za Mwenyezi Mungu na baraka Zake.
Sayyid Mojtaba Hosseini Khamenei

(1) Sura At-Tawba, aya ya 123 (2) Sura Ar-Rum, aya ya 47 (3) Sura Al-Qasas, aya ya 5