د لبنان د حزب الله د عمومي منشي او مجاهدینو د بیعت لیک ته د اسلامي انقلاب د رهبر ځواب
دا د اصلي فارسي متن ژباړه ده. اصلي فارسي متن
بسم الله الرّحمن الرّحیم
د لوی بخښونکي او ډېر مهربان الله په نامه
«يَا أَيُّهَا الَّذِينَ آمَنُوا قَاتِلُوا الَّذِينَ يَلُونَكُمْ مِنَ الْكُفَّارِ وَلْيَجِدُوا فِيكُمْ غِلْظَةً...» (1)
ای مؤمنانو! له هغو کافرانو سره جګړه وکړئ چې تاسو ته نږدې دي، او باید هغوی په تاسو کې سختي ومومي... (التوبه ۹: ۱۲۳)
جناب حجة الاسلام والمسلمین ښاغلي شیخ نعیم قاسم (دام عزّه)، د لبنان د حزب الله درانه عمومي منشي، او د حزب الله ټول سر په لاس، صبرناک او مقاوم قوماندانان او مجاهدین؛ السّلام علیکم جمیعاً و رحمةالله (پر تاسو ټولو دې سلام او د الله رحمت وي).
ستاسو، زما د وروڼو او زامنو، د سرلوړي حزب الله د مؤمنو او زړورو مجاهدینو لیک، چې د کلمة الله د لوړتیا لپاره د ټینګښت او استقامت، او د ستر قرآن پر ژمنو او د امام خمیني او شهید قائد آیت الله العظمی خامنهيي (رضوان الله تعالی علیهما) پر عزت بښونکو ارمانونو د باور پیغام لېږدوه، د ستاینې او درناوي وړ دی.
نن چې د نړۍ ملتونه د امریکا د دولت او د کښت او نسل له منځه وړونکو جنایتکارو صهیونیستانو له ظلم او ستم څخه تنګ شوي دي، له جهاد او مقاومت پرته بله لاره مخې ته نه ده پاتې، او په دې لاره کې ټینګښت به د حق د لارې مجاهدینو ته د الله ژمنه شوې مرسته نصیب کړي: «...وَكَانَ حَقًّا عَلَيْنَا نَصْرُ الْمُؤْمِنِينَ» (2) (...او پر موږ د مؤمنانو مرسته حق ده) (الروم ۳۰: ۴۷).
اوس چې د لبنان حزب الله د جهادي ډلو د مخکښ په توګه د صهیونیستي رژیم او د هغه د ملاتړو د وحشیانه یرغل پر وړاندې د یوې کلکې ډبرې په څېر ولاړ دی، دا ټینګښت د نړۍ ازادو ملتونو ته د نړیوال استکبار او د هغه د ګوډاګیو له ظلم او ستم څخه د خلاصون په لاره کې یو الهام بښونکی پیغام ګرځېدلی دی. بېشکه د دې سترې لاسته راوړنې د پام وړ برخه د لبنان د خلکو، په ځانګړې توګه د سهیلي سیمې د خلکو، د صبر، نجابت، فداکارۍ او ملګرتیا له برکته ده.
د ایران اسلامي جمهوریت هم د انقلاب د معظم او شهید رهبر امام سید علي خامنهيي (رضوان الله تعالی علیه) د تګلارې په لړ کې د دې مظلومو او مقتدرو مجاهدینو دفاع خپله ستراتېژیکه پالیسي ټاکلې، او د لبنان د ځمکنۍ بشپړتیا ساتنه او د صهیونیستي رژیم د تېري بشپړ او بې له قید و شرطه لرې کول یې له تېري کوونکې امریکا سره د تحمیلي جګړې د پای ته رسولو د تفاهم لیک لومړی شرط ګرځولی دی.
د لوی الله درود او رحمت دې وي پر شهیدانو، ټپیانو او د هغوی پر صبرناکو کورنیو، او فی سبیل الله (د الله په لاره کې) پر مهاجرینو چې د مصیبتونو زغمل یې پر ځان اسانه کړل. د الله سلام دې وي د حزب الله د سید الشهداء سید حسن نصرالله پر ملکوتي روح او د مقاومت پر ټولو تېرو قوماندانانو او د هغه پر شهیدو یارانو (رضوان الله تعالی علیهم اجمعین)، چې د اسلامي مقاومت نیالګی یې په یوه پیاوړې ونه بدل کړ چې اصلها ثابت و فرعها فیالسّماء (ریښه یې ټینګه او ښاخونه یې په اسمان کې دي)؛ هغه مجاهدین چې په خپل جهاد او مقاومت سره یې په اسلامي نړۍ کې د لبنان عزت او سرلوړي په ډالۍ راوړې ده.
په پای کې هیله لرم چې زموږ د سردار (عجل الله تعالی فرجه الشریف) د نېکې دعا په برکت، ډول ډول الهي عنایتونه او لطفونه د مقاومت د ټولو مجاهدینو، شهیدانو، جانبازانو، مهاجرینو او د هغوی د صبرناکو کورنیو په برخه شي.
«وَنُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ» (3).
او موږ غواړو پر هغو کسانو احسان وکړو چې په ځمکه کې کمزوري ګڼل شوي وو، او هغوی امامان او وارثان وګرځوو. (القصص ۲۸: ۵)
والسّلام علیکم و رحمةالله و برکاته
په تاسو دې سلام، د الله رحمت او برکتونه وي.
سید مجتبی حسیني خامنهيي
(1) سورت توبه، ۱۲۳ آیت (2) سورت روم، ۴۷ آیت (3) سورت قصص، ۵ آیت